Fransada keçirilən “Aguttes” hərracında dünyada göndərilən ilk sms satılıb. Bildirilir ki, NFT formatında olan SMS mesaj 132 min 680 avroya satılıb. SMS-də “Merry Christmas” mətni olub.

Qeyd edilir ki, 1992-ci ilin 3 dekabr tarixində ilk dəfə “Vodafone” şirkətinin mühəndisi Nil Papuort bu mesajı öz həmkarı Riçard Carvisə göndərib.

Adının açıqlanmasını istəməyən alıcı mesajın göndərildiyi orijinal rabitə protokolunu, həmçinin mesajın təsviri olan rəqəmsal çərçivəni alıb.

Məlumatı BBC yayıb.

  Elçin ABBASOV, “Xalq qəzeti”