İlham Əliyev indoneziyalı həmkarına başsağlığı verdi

MƏKTUBLAR
19 Yanvar
11:30

Azərbaycan Prezidenti İlham Əliyev indoneziyalı həmkarı Coko Vidodoya başsağlığı məktubu ünvanlayıb. 

"Xalq qəzeti" AZƏRTAC-a istinadən xəbər verir ki, məktubda deyilir:

“Hörmətli cənab Prezident,

Sulavesi adasında baş vermiş güclü zəlzələ nəticəsində çoxsaylı insan tələfatı və dağıntılar barədə xəbər məni son dərəcə sarsıtdı.

Bu faciə ilə əlaqədar Sizə, həlak olanların ailələrinə və yaxınlarına, dost İndoneziya xalqına öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyirəm.

Allah rəhmət eləsin!”

MƏKTUBLAR bölməsi