Rusiyada yoluxma artmaqda davam edir

XARİCİ XƏBƏRLƏR
6 Avqust
23:39

Rusiya Federal Operativ Qərargahının məlumatına görə, son sutka ərzində ölkədə 19 min 974 nəfər koronavirus infeksiyasına yoluxub, 2 min 141 nəfər xəstəxanaya yerləşdirilib, 10 min 743 nəfər müalicə olunaraq sağalıb, 46 nəfər vəfat edib.

Son 24 saat ərzində Rusiyanın paytaxtı Moskvada 5997 nəfər COVID-19 virusuna yoluxub. 371 nəfər xəstəxanaya yerləşdirilib, 3 min 803 nəfər müalicə olunaraq sağalıb, 17 nəfər vəfat edib. Pandemiya başlanandan Rusiya paytaxtında 2,6 milyon nəfər koronavirus infeksiyasından sağalıb.

İndiyədək Rusiyada 18 milyon 692 min 396 nəfər koronavirus infeksiyasına yoluxub.

Qəzənfər QASIMOV,

“Xalq qəzeti”

XARİCİ XƏBƏRLƏR bölməsi