Xarici xəbərlər

XARİCİ XƏBƏRLƏR
6 İyul
23:37

Nadir xəstəlik qadını canlı heykələ çevirib

Nadir genetik xəstəlik ABŞ-ın Konnektikut ştatının 29 yaşlı sakinini bir növ canlı heykələ “çevirib”. Bu barədə “The Mirror” məlumat yayıb.

Beş yaşındaykən diaqnoz qoyulan Jasmine Floyd birləşdirici toxumaların sümükləşməsinə səbəb olan fibrodisplaziyadan əziyyət çəkir. Xəstəlik onun hərəkət qabiliyyətinə təsir etməyə başladığı üçün o, son iki il ərzində yataq xəstəsinə çevrilib.

Xəbəri “lenta.ru” yayıb.

NASA Aya göndərdiyi aparatla əlaqəni itirib

Amerika kosmik agentliyi NASA Aya göndərilən Caps­tone ilə əlaqənin kəsildiyini bildirib. Bu barədə qurumun say­tında məlumat verilib.

Cihazın rabitə ilə bağlı problemlərinin olduğu izah edi­lir. Mütəxəssislər nasazlığın səbəbini müəyyənləşdirməyə və əlaqəni bərpa etməyə çalışırlar.

Xəbəri TASS yayıb

Norveç

Hava limanlarında tətillər genişlənir

Avropa hava limanlarında tətillərin coğrafiyası genişlənir. SAS – “Scandinavian Airlines” aviaşirkətinin 900-dən çox pilotu rəhbərliklə 8 ay davam edən danışıq­lardan əhəmiyyətli nəticə əldə etmədikdən sonra işlərini dayandırıb. Tətilçilərin tələbləri arasında maaşların 30 faiz artırılması da var. İsveç, Danimarka və Norveçdə hər ikinci reys ləğv edilib.

Xəbəri TASS yayıb

Çili

Yeni Konstitusiya layihəsi ölkə başçısına təqdim edilib

Çilinin paytax­tında polis təhsil şəraitinin yaxşılaş­dırılmasını tələb edən tələbələrə qarşı su şırnaq­larından istifadə edib. Həmin gün ölkə prezidentinə yeni konstitusiya layihəsi təqdim edilib. Layihənin qəbulu ilə bağlı iki aydan sonra Çilidə referendum keçiriləcək. Hazırkı konstitusiya 1980-ci ildə, Auqusto Pinoçetin hərbi diktaturası dövründə qəbul edilib. Sorğulara görə, vətəndaşların əksəriyyəti əsas qanunun dəyişdirilməsinin tərəfdarıdır, lakin təklif olunan layihədən narazılıqlarını bildirirlər.

Xəbəri “euronews.com” yayıb.

İtaliya

İbrahimoviçin müqaviləsi uzadılıb

“Milan”ın hü­cumçusu Zlatan İbrahimoviç klubu ilə müqaviləsini uzada­caq. “Sky Sport”un məlumatına görə, tərəflər müqavilənin müddətini 2022/23 mövsümünün so­nuna qədər uzatmaq barədə razılığa gəliblər. Oyunçunun maaşı performansına görə bonuslarla birlikdə 1-1,5 milyon avro olacaq.

İbrahimoviç komandaya 2020-ci ildə qoşulub. O, klub­da 58 oyuna çıxıb, 33 qol vurub.

Xəbəri AS nəşri verib.

Hazırladı: Elçin ABBASOV, “Xalq qəzeti”

XARİCİ XƏBƏRLƏR bölməsi