Xarici xəbərlər

XARİCİ XƏBƏRLƏR
4 İyun
07:45

Tarixi əsərlər tapılıb

İstanbulun Haydarpaşa dəmir yolu stansiyasının ərazisində aparılan qazıntı işləri zama­nı çox sayda tarixi tikili, əsər və sikkə tapılıb. Məlumata görə, qazıntıların aparıldığı İstanbulun antik dövrlərdə “Khalkedon” ola­raq bilinən tarixi Kadıköy bölgəsi Roma, Bizans və Ellin mədəniyyəti kimi dövrlərə şahidlik edib. Hazırda aşkarla­nan bu tarixi əsərlər isə ən dərini beş metr olan qazıntılarla gün işığına çıxarılıb.

Tapıntılar eramızdan əvvəl V əsrə və daha qədim dövrlərə aid edilir.

Ümumilikdə, tapılan 50 min qutu eksponat restavrasiya ediləcək.

Məlumatı “Habertürk” yayıb.

Rusiya

Jirinovskinin avtomobili satılır

Vladimir Jirinovskinin Almaniya istehsalı olan qara limuzini hərrac vasitəsilə satışa çıxarılıb. Bildirilir ki, hərracda avtomobilə ilkin olaraq 2,5 milyon rubl qiymət qoyulub. Avtomobil 155 min kilometr məsafə qət etməsinə baxma­yaraq, saz vəziyyətdədir.

Xəbəri “Avto-ru” verib.

ABŞ

Rüsumlar yumşaldıla bilər

Rəsmi Va­şinqton ABŞ-ın sabiq Prezidenti Donald Trampın Çin məhsullarına tətbiq etdiyi idxal rüsumlarını yenidən nəzərdən keçirir və onların bəzilərini ləğv etmək, yaxud ÇXR-ə münasibətdə tarif siyasətini dəyişmək üçün mümkün variantları nəzərdən keçirir. Bunu ABŞ-ın ticarət danışıqları üzrə nümayəndəsinin müavini Sara Bi­anki açıqlayıb. O deyib: “Hazırda bütün imkanlar nəzərdən keçirilir. Diqqətimizi Çinlə uzunmüddətli münasibətlərin yenidən qurulmasına yönəltmişik”.

Xəbəri “Reuters” verib.

Çexiya

Ən uzun asma körpü

Dünyanın ən uzun asma kör­püsü Çexiyada açılıb. Körpünün uzunluğu 721 metr təşkil edir. Sakinlər üçün nəzərdə tutulmuş piyada keçidi 95 metr yüksəklikdə Kralicky Sneznik dağının iki zirvəsi arasında yerləşir. Körpünün inşası 2 ilə başa gəlib.

Məlumatı “Belta” yayıb.

Xorvatiya

Zaqreb Avrozonaya daxil olacaq

Xorvatiya iqtisadi və maliyyə sabitliyi üçün lazım olan bütün şərtləri yerinə yetirib. Bil­dirilir ki, buna görə də rəsmi Zaqreb 2023-cü il yanvarın 1-dən Avrozo­naya qoşulacaq. Bu barədə Avropa Komissiyasının saytında yerləşdirilən məlumata görə, Xorvatiya artıq avroya adaptasiya olun­mağa hazırdır. Beləliklə, Xorvatiya Avrozonaya qoşulacaq 20-ci ölkə olacaq.

Məlumatı “Euronews” yayıb.

Hazırladı: Elçin ABBASOV, “Xalq qəzeti”

XARİCİ XƏBƏRLƏR bölməsi