ABŞ BMT Təhlükəsizlik Şurasında Şimali Koreya ilə bağlı qətnamə üzərində işi gücləndirib.

ABŞ-ın BMT-dəki daimi nümayəndəsi Linda Tomas-Qrinfild bildirib ki, qətnamə raket sınaqlarına görə Pxenyana qarşı daha sərt sanksiyalar nəzərdə tutur. Son vaxtlar Şimali Koreya hakimiyyəti BMT Təhlükəsizlik Şurasının əvvəllər qəbul etdiyi qətnamələri dəfələrlə pozub.

Linda Tomas-Qrinfild deyib: “Ümid edirik ki, KXDR-in hərəkətlərini pisləməkdə Təhlükəsizlik Şurasının birliyinə nail ola bilərik”.

Qeyd edək ki, ABŞ hazırda BMT Təhlükəsizlik Şurasının sədridir.

“Xalq qəzeti”