Köhnə versiya

Ən son xəbərlər

Son buraxılış
Arxiv

Bakı Şəhər Baş Dövlət Yol Polisi İdarəsi Tofiq Bəhramov stadionunda keçirilən matçla bağlı sürücülərə müraciət edib

Bakı Şəhər Baş Dövlət Yol Polisi İdarəsi (BŞDYPİ) Tofiq Bəhramov stadionunda keçirilən matçla bağlı sürücülərə müraciət edib.

Bu barədə  açıqlamasında BŞDYPİ-nin baş inspektoru, polis mayoru Araz Əsgərli məlumat verib.

A.Əsgərli bildirib ki, Tofiq Bəhramov adına stadionda baş tutacaq oyunu izləməyə gələn azarkeşlərdən şəxsi avtomobillərdən mümkün qədər istifadə etməmələri xahiş olunur.

Sürücülərə səslənən polis mayoru qeyd edib ki, azarkeşlərin və digər hərəkət iştirakçılarının rahat hərəkətinin təşkili və təhlükəsizliyinin təmin edilməsi məqsədilə tədbirlər görülüb: “Qarabağ” və “Marsel” komandalarının Tofiq Bəhramov adına stadionda saat 21:45-də keçirilməsi nəzərdə tutulan oyuna gələn və həmin ərazidən istifadə edən şəxslərin hərəkətin təhlükəsizliyini və fasiləsizliyini təmin etmək məqsədilə tövsiyələrə diqqət etmələri xahiş olunur. Belə ki, azarkeşlərdən stadiona yaxın, yəni Əhməd bəy Ağaoğlu, Fətəli Xan Xoyski və Aşıq Alı küçələri istiqamətində şəxsi minik nəqliyyat vasitələrindən mümkün qədər az istifadə etmələri rica olunur. Əsasən ictimai nəqliyyata üstünlük vermələri arzuolunandır".

23 Fevral 2022 19:47 - SOSİAL HƏYAT
SOSİAL HƏYAT

Köhnə versiyamızdan xəbərləri izlə