Köhnə versiya

Ən son xəbərlər

Son buraxılış
Arxiv

Azərbaycan komandası Bolqarıstanda keçirilən sablya üzrə dünya kubokunun mərhələ yarışında mübarizəyə başlayıb

Bolqarıstanın Plovdiv şəhərində sablya üzrə dünya kuboku turnirinin mərhələ yarışına start verilib. Qadın sablyaçıların şəxsi yarışının birinci günündə təsnifat mərhələsinin görüşləri keçirilib.

Azərbaycan Qılıncoynatma Federasiyasından bildiriblər ki, təmsilçimiz Anna Başta reytinqi yüksək olduğundan mübarizəyə əsas mərhələdən başlayacaq. Digər təmsilçilərimizdən Səbinə Kərimova və Sevil Bünyatova isə təsnifat mərhələsindən əsas mərhələyə yüksəlməyi bacarıb. Qrup mərhələsini üç qələbə ilə başa vuran Səbinə Kərimova 64-lüyə yüksəlmək üçün keçirilən pley-off görüşlərində Niderland təmsilçisi Marlen Butenhuis (15:10) və polşalı Marta Okineyə (15:11) qalib gəlib.

Qrupda 4 qələbəsi olan Sevil Bünyatova isə əsas mərhələ uğrunda görüşdə qrupu iki qələbə ilə başa vurub. O, ilk pley-off qarşılaşmasında italyan Lucia Stefanelloya (15:12) qalib gələn digər sablyaçımız Zərifə Hüseynovanı 15:4 hesabı ilə məğlub edib.

Anna Başta əsas mərhələdə rusiyalı Anastasiya Şorokova, Sevil Bünyatova qazaxıstanlı Aygerim Saribay, Səbinə Kərimova isə rusiyalı Olqa Nikitina ilə qarşılaşacaqlar.

Qrup mərhələsini adlayan Polina Kaspiaroviç (4 qələbə) və Valeriya Bolşakova (4 qələbə) pley-off səddini keçə bilməyiblər. P.Kaspiaroviç əsas mərhələyə yüksəlmək uğrunda keçirilən görüşdə ispan Celia Cuenca Perezə (13:15), Bolşakova isə hindistanlı Devi Bhavaniyə (13:15) uduzublar.

29 Yanvar 2022 15:26 - İDMAN
İDMAN
21 May 2022 | 23:28
Dünyanın ən bahalı klubu

Köhnə versiyamızdan xəbərləri izlə