Köhnə versiya

Ən son xəbərlər

Son buraxılış
Arxiv

Burkina-Fasonun Prezidenti saxlanılıb

“Reuters” agentliyinin yaydığı məlumata görə, qiyamçılar Burkina-Fasonun Prezidenti Rok Mark Kristian Kaboreni saxlayıb. Bildirilib ki, dövlət başçısı hərbi düşərgədə saxlanılıb.

Bundan əlavə, “Radio France internationale” radiostansiyasının məlumatına görə, Burkina-Fasonun paytaxtı Uaqaduquda qeyri-müəyyənlik qalmaqdadır, qiyamçılar hərbi koman­danlığın tamamilə dəyişdirilməsi də daxil olmaqla altı bənddən ibarət tələblər irəli sürüblər.

Xatırladaq ki, Burkina-Fasoda iğti­şaşlarda iştirak edən hərbçilər 65 yaşlı dövlət başçısının istefasını tələb edirlər. Ötən gün Burkina-Faso Prezidentinin paytaxtdakı iqamətgahı yaxınlığında atışma səsləri eşidilib. Eyni zamanda, bütün ölkədə komendant saatı tətbiq edilib.

Bundan başqa, Burkina-Faso hökuməti yanvarın 11-də hökuməti ələ keçirməyə cəhd etməkdə şübhəli bilinən bir qrup hərbçinin saxlanıldığı açıqlanıb. “Burkina-24” xəbər portalının məlumatına görə, qrupa gənc zabitlər rəhbərlik edir. Son bir neçə ayda Prezident Kabore ölkənin Silahlı Qüvvələrinin komandanlığında bir sıra əsaslı dəyişikliklər edib.

Qeyd edək ki, Kabore 2015-ci ildən bəri Qərbi Afrika dövlətinə başçılıq edir.

Mahmud QƏRİBOV,

“Xalq qəzeti”

25 Yanvar 2022 10:18 - XARİCİ XƏBƏRLƏR
XARİCİ XƏBƏRLƏR
28 May 2022 | 02:25
Xarici xəbərlər

Köhnə versiyamızdan xəbərləri izlə