Köhnə versiya

Ən son xəbərlər

Son buraxılış
Arxiv

Qarabağ mövzusu Kanadanın kitabxana və arxivlərində araşdırılıb

Azərbaycan Dövlət İqtisad Universitetinin (UNEC) Kitabxana İnformasiya Mərkəzi tərəfindən “Qarabağ mövzusu dünya kitabxanalarında” layihəsi çərçivəsində Kanadanın kitabxana və arxivlərində araşdırma aparılıb.

UNEC-dən bildirilib ki, araşdırma nəticəsində Kanada kitabxanalarında Qarabağ mövzusunda ümumilikdə 2804 nəşrin biblioqrafik təsvirinə rast gəlinir. Bunlar 1884 məqalə, 842 kitab və 42 musiqi nəşrləri, 13 video, 13 xəritə (təəssüf ki, xəritələrdən 10-u 1990-2010-cu illər arasında erməni müəlliflər tərəfindən hazırlanıb), 4 arxiv materialı və s. sənədlərdir. Bu nəşrlərin hər biri dünya kataloquna (WorldCat) daxil edilib. Statistikaya görə, bu nəşrlərdən 1965-i ingilis dilində, 176-sı fransız dilində, 107-si rus dilində, 40-ı alman dilində, 32-si erməni dilində, 26-sı türk dilində, 17-si Azərbaycan dilində, 5-i italyan dilində, 5-i fars dilində, 4-ü ərəb və Koreya dillərindədir.

Kanadanın kitabxana və arxivlərində mövcud olan 842 kitabdan 477-si çap kitabı, 334-ü elektron kitab, 17-si dissertasiya, 8-i mikroforma şəklindədir. Dissertasiyaların 11-i ingilis dilində, 6-sı fransız dilindədir.

Kataloqda Azərbaycan dilində olan 17 nəşr arasında “Qarabağın Alban abidələri”, “Qarabağın elat dünyası”, “Qarabağnamələr” və s. kitablar, Xalq artisti Səkinə İsmayılovanın ifasında “Qarabağ şikəstəsi”nin də daxil olduğu musiqi diskləri, Almaz Ülvinin “Qarabağ mənim dinim-imanım (Ülvi Bünyadzadənin yaradıcılığında Qarabağ motivi” adlı məqaləsi yer alıb.

8 Yanvar 2022 16:18 - ELM
ELM

Köhnə versiyamızdan xəbərləri izlə