Köhnə versiya

Ən son xəbərlər

Son buraxılış
Arxiv

Təhsil Nazirliyi: Gənc müəllimlərlə adaptasiya proqramının ikinci mərhələsinə başlanılır

Dekabrın 6-dan etibarən Təhsil Nazirliyi və Azərbaycan Gənc Müəllimlər Assosiasiyasının birgə təşkilatçılığı ilə keçirilən gənc müəllimlərlə adaptasiya proqramının ikinci mərhələsinə başlanılır.

Nazirlikdən bildirilib ki, proqram çərçivəsində “Öyrədici mühitin yaradılması”, “Sinfin idarə olunması”, “Metodiki xidmətin təşkili”, “Məktəbdaxili qiymətləndirmənin aparılması”, “Şagirdlərin motivasiyasının artırılması”, “Lider müəllim necə olmalıdır?”, “Məktəb fəaliyyətinin təbliği”, “Təqdimat bacarığı və natiqlik”, “Müəllimin innovativ bacarıqları”, “Şagirdlərin inkişafı üçün əlverişli mühitin yaradılması” mövzularında təlimlərin keçirilməsi nəzərdə tutulub.

Qeyd edək ki, cari tədris ilinin əvvəlindən etibarən həvəsləndirmə tədbirləri tətbiq olunan ümumi təhsil müəssisələrinə yeni işə qəbul olan, pedaqoji stajı olmayan müəllimlərlə adaptasiya proqramı keçirilib. Proqramda 200-dən çox müəllim iştirak edib.

Proqram çərçivəsində “Yaxşı müəllim necə olmalıdır”, “Sinif komplektləşdirilməsi, əməkhaqqı və ona əlavələr, əmək məzuniyyəti”, “İlk dərs gününə hazırlıq”, “Valideynlərlə əməkdaşlıq üsulları”, “Uğurlu şagird-valideyn-məktəb tandeminin qurulması” mövzularında təlimlər təşkil olunub.

"Xalq qəzeti"

6 Dekabr 2021 11:24 - TƏHSİL
TƏHSİL

Köhnə versiyamızdan xəbərləri izlə