Köhnə versiya

Ən son xəbərlər

Son buraxılış
Arxiv

DİN: Karantin qaydalarını pozan şadlıq sarayının sahibi barədə cinayət işi başlanıb

Dekabrın 4-5-də Daxili İşlər Nazirliyinin, Qida Təhlükəsizliyi Agentliyinin və İqtisadiyyat Nazirliyi yanında Dövlət Vergi Xidmətinin nümayəndələri Bakı şəhərində və respublika ərazisində 906 toy şənliyinin monitorinqini keçirib.

DİN-in mətbuat xidmətindən "Xalq qəzeti"nə verilən məlumata görə, monitorinq 896 şadlıq sarayında, 10 şəxsi həyətyanı sahədə keçirilən şənlikləri əhatə edib.

Monitorinqlər nəticəsində toy şənliklərinin keçirilməsində xüsusi karantin rejimi qaydalarını pozduqlarına görə 14 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən cərimə olunub. Bir şadlıq sarayının sahibi barəsində Cinayət Məcəlləsinin 139-1.1-ci (Epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanılıb. 2 şadlıq sarayının sahibi barəsində material baxılması üçün məhkəməyə göndərilib. 281 nəfər “COVID-19” pasportu olmadığına görə şənliyə buraxılmayıb.

6 Dekabr 2021 10:24 - SOSİAL HƏYAT
SOSİAL HƏYAT

Köhnə versiyamızdan xəbərləri izlə