Köhnə versiya

Ən son xəbərlər

Son buraxılış
Arxiv

Həmkarlar ittifaqları “Yaşıl marafon”a qoşulub

 

 

Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə Ümumrespublika Yaşıllaşdırma Marafonu çərçivəsində dekabrın 3-də Azərbaycan Həmkarlar İttifaqları Konfederasiyasının, quruma üzv və tabe təşkilatlarının əməkdaşları ağacəkmə kampaniyasında iştirak ediblər.

“Yaşıl marafon” yaşıllaş­dırma üçün nəzərdə tutu­lan 280 hektarlıq ərazinin Qaradağ rayonunun Müşfiqabad qəsəbəsində yerləşən sahəsində həyata keçirilib. Həmkarlar ittifaqlarının 150-dən çox əməkdaşı 1 000 ədəd Eldar şamı və zeytun tingini torpağa basdırıb və suvarıb. Aksiyada AHİK sədri, Milli Məclisin de­putatı Səttar Möhbalıyev, Ekologiya və təbii sərvətlər naziri Muxtar Babayev iştirak ediblər.

Jurnalistlərə açıqlama­sında AHİK sədri Səttar Möhbalıyev bildirib ki, bu kampaniya ölkəmizdə yaşıllıq sahələrinin ərazisini genişləndirəcək, flora biomüxtəlifliyini artıracq, ətraf mühitin mühafizəsinə, yaşıllıqların qorunması ilə bağlı maarifləndirməyə böyük töhfə verəcək. Xoşməramlı ənənəni da­vam etdirərək həmkarlar ittifaqları bundan sonra da ağacəkmə kampaniyasında yaxından iştirak edəcək. AHİK “yaşıl terror”a məruz qalmış Türkiyədə keçirilən ağacəkmə kampaniyasına da qoşulacaq.

Xatırladaq ki, “Yaşıl ma­rafon” layihəsi çərçivəsində bu mövsümdə ölkədə 1 mil­yona yaxın ağac əkiləcək.

R.TAHİR, “Xalq qəzeti”

4 Dekabr 2021 23:47 - İQTİSADİYYAT
İQTİSADİYYAT
15 Avqust 2022 | 10:03
Neft ucuzlaşıb

Köhnə versiyamızdan xəbərləri izlə