Köhnə versiya

Ən son xəbərlər

Son buraxılış
Arxiv

Məktəb inspektoru üzrə müraciətlərin qəbulu davam edir

Təhsildə Keyfiyyət Təminatı Agentliyi (TKTA) “Məktəblərdə keyfiyyət inspeksiyası” layihəsi çərçivəsində ümumi təhsil müəssisələrində inspeksiyaların həyata keçirilməsi üçün məktəb inspektoru vəzifəsi üzrə vakansiya elan edir.

Bu barədə TKTA-dan məlumat verilib.

Vakansiya üzrə müraciət etmək istəyən namizədlərə verilən tələblər:

-Ali təhsil;

-Sahə üzrə mövcud qanunvericilik, qayda və tənzimləmələr haqqında biliklər;

-Minimum 8 il pedaqoji sahədə iş təcrübəsi (idarəetmə sahəsində iş təcrübəsi arzuolunandır);

-Ümumi təhsil müəssisələrində keyfiyyət qiymətləndirilməsi sahəsində beynəlxalq təcrübəni araşdırma, öyrənmə bacarığı;

-Yüksək səviyyədə Azərbaycan dili biliyi;

-“Microsoft Office” proqramları və internet resurslarından istifadə bacarığı;

-Effektiv şifahi və yazılı peşəkar kommunikasiya bacarığı;

-Analitik, strateji düşünmə və problem həlletmə bacarığı;

-Monitorinq və qiymətləndirmə bacarığı;

-Təşkilatçılıq, komandada işləmə bacarığı;

-Zərurət olduqda, ölkə ərazisi üzrə səyahət etmək imkanı;

-Minimum yaş həddi - 30 yaş.

Vakansiyanın üstünlükləri:

-Dövlət qurumlarında təmsil olunma və dövlət əhəmiyyətli tapşırıqların icrası;

-Yerli və beynəlxalq ekspertlər tərəfindən keçiriləcək təlimlərdə iştirak;

-Özünüinkişaf və karyerada yüksəliş imkanı;

-Yüksək əməkhaqqı.

Vakansiya üzrə seçilən namizədlər tam ştat (bazar ertəsi-cümə, saat 09:00-18:00) və ya xidməti müqavilə əsasında sərbəst qrafiklə işləyəcək.

Namizədlər CV-lərini dekabrın 10-dək TKTA-nın saytında verilən keçid vasitəsilə göndərə bilərlər.

1 Dekabr 2021 11:28 - TƏHSİL
TƏHSİL

Köhnə versiyamızdan xəbərləri izlə