Köhnə versiya

Ən son xəbərlər

Son buraxılış
Arxiv

Ankarada azərbaycanlı heykəltəraşın fərdi sərgisi açılıb

 

Ankarada yaşayan tanınmış azərbaycanlı heykəltəraş Səid Rüstəmin əsərlərindən ibarət sərginin açılış mərasimi keçirilib.

 

Heykəltəraşa məxsus “Sait Rüstəm Sənət Evi”ndə baş tutan mərasimdə ölkəmizin Türkiyədəki səfirliyinin, Azərbaycan icmasının və yerli ictimaiyyətin nümayəndələri iştirak ediblər. Sərgidə zəngin material və üslub imkanlarından istifadə edilərək müxtəlif ölçülərdə yaradılan heykəllər və rəsm əsərləri nümayiş olunub. Müəllifin müxtəlif janr və üslublarda ərsəyə gətirdiyi sənət nümunələri ziyarətçilərdə böyük maraq doğurub.

 

Qeyd edək ki, Səid Rüstəmin yaratdığı heykəllər Türkiyənin bir çox bölgələrində ucaldılıb. Onun əsərləri Rusiya, ABŞ və Gürcüstanın müxtəlif şəhərlərində keçirilən sərgilərdə nümayiş olunub.

"Xalq qəzeti"

21 Oktyabr 2021 11:17 - MƏDƏNİYYƏT
MƏDƏNİYYƏT

Köhnə versiyamızdan xəbərləri izlə