Köhnə versiya

Ən son xəbərlər

Son buraxılış
Arxiv

Yunan-Roma güləşçimiz Taleh Məmmədov dünya çempionatının yarımfinal mərhələsinə yüksəlib

Norveçin paytaxtı Osloda güləş üzrə dünya çempionatı sona yaxınlaşır.

Səkkizinci yarış günündə - oktyabrın 9-da 63, 67 və 87 kiloqram çəki dərəcələrində çıxış edən yunan-Roma güləşçiləri mübarizəyə qoşulublar.

Güləşçimiz Taleh Məmmədov (63 kq) startda türk həmkarından güclü olub. Təcrübəli güləşçimiz Koreya idmançısını da üstələyərək yarımfinala yüksəlib.

Millimizin üzvü Həsrət Cəfərov (67 kq) debütdə ABŞ təmsilçisinə elə ilk hissədə tam üstünlüklə qalib gəlib. Gənc pəhləvanımız daha sonra hindistanlı rəqibinə aman verməyib. Ancaq dörddəbir finalda son Olimpiya çempionu iranlı Məhəmmədrza Gerayiyə məğlub olub.

Mübarizəyə səkkizdəbir finaldan qoşulan İslam Abbasov (87 kq) gürcüstanlı dünya çempionu Laşa Qobadzeylə bacarmayıb.

Qeyd edək ki, Azərbaycanın sərbəst güləşçilərdən Abubakr Abakarov (86 kq) və Osman Nurməhəmmədov (92 kq) bürünc medal qazanıblar. Qadın güləşçilər yarışı medalsız bitiriblər. Yunan-Roma güləşçilərindən isə Rafiq Hüseynov (82 kq) qızıl, Sənan Süleymanov (77 kq) gümüş, Eldəniz Əzizli (55 kq) isə bürünc medal əldə ediblər.

9 Oktyabr 2021 16:47 - İDMAN
İDMAN

Köhnə versiyamızdan xəbərləri izlə