Köhnə versiya

Ən son xəbərlər

Son buraxılış
Arxiv

Gədəbəy: “Bu uşaqların qəhrəman ataları Vətən torpağı üçün canlarından keçiblər...”

 

 

Gədəbəy Rayon İcra Hakimiyyətinin başçısı İbrahim Mustafayev Vətən müharibəsi şəhidlərinin məktəbli övladları ilə görüşüb.

Rayon rəhbəri şəhid ailələrinin uşaqlarını yeni tədris ili münasibətilə təbrik edib, onlara cansağlığı və təhsildə uğurlar arzulayıb.

Şəhid ailələri övladlarının bilik öyrənərək gələcəkdə həm cəmiyyətimiz, həm də öz ailələri üçün yararlı, Vətənimizə, torpağımıza, dövlətimizə sadiq vətəndaşlar kimi formalaşacaq­larına dair əminliyini bildirən İbrahim Mustafayev vurğulayıb: “Bu uşaqların qəhrəman ataları Azərbaycan xalqına ta­rixi və möhtəşəm Qələbə sevincini bəxş ediblər, müqəddəs Vətən torpağı üçün canlarından keçiblər”.

Şəhidlərimizin heç zaman unudul­mayacağını vurğulayan RİH başçısı şəhid ailələrinin daim dövlətin diqqət və qayğısı ilə əhatə olunduğunu qeyd edib.

Sonda şəhid ailələrinin övladları­na içərisində zəruri ləvazimatlar olan məktəb çantaları hədiyyə edilib.

Görüşdə iştirak edən valideynlər göstərilən diqqət və qayğıya görə ölkə başçısı İlham Əliyevə, Birinci vitse-prezident Mehriban Əliyevaya öz dərin təşəkkürlərini bildiriblər.

Hamlet QASIMOV, “Xalq qəzeti”nin bölgə müxbiri

18 Sentyabr 2021 23:14 - SOSİAL HƏYAT
SOSİAL HƏYAT
20 Oktyabr 2021 | 17:36
Sabahın HAVA PROQNOZU

Köhnə versiyamızdan xəbərləri izlə