Köhnə versiya

Ən son xəbərlər

Son buraxılış
Arxiv

“Aşıq Ələsgər” sənədli filmi bərpa olunub

C.Cabbarlı adına “Azərbaycanfilm” Kinostudiyasının 1972-ci ildə istehsal etdiyi “Aşıq Ələsgər” sənədli filmi Azərbaycan Dövlət Film Fondu tərəfindən bərpa olunub.

Dövlət Film Fondundan "Xalq qəzeti"nə verilən məlumata görə, filmdə aşığın anadan olduğu Göyçə mahalının görüntüləri, sənətkarın oğlu Aşıq Talıbın atasının məzarını ziyarət etdiyi kadrlar əksini tapıb.

Filmin ssenari müəllifi İlyas Tapdıq, rejissoru Xamis Muradov, operatoru Fəramiz Məmmədovdur. Film Prezident İlham Əliyevin Aşıq Ələsgərin 200 illik yubileyinin qeyd edilməsi haqqında 18 fevral 2021-ci il tarixli Sərəncamına əsasən bərpa olunub.

Xatırladaq ki, sənədli film 1971-ci ildə respublikamızın rəhbəri Heydər Əliyevin təşəbbüsü ilə qəbul olunmuş “Aşıq Ələsgərin anadan olmasının 150 illiyinin qeyd edilməsi haqqında” Azərbaycan SSR hökumətinin qərarına əsasən lentə alınmışdır.

11 Sentyabr 2021 16:52 - MƏDƏNİYYƏT
MƏDƏNİYYƏT
24 Oktyabr 2021 | 00:04
Canəli Xanəli oğlu Əkbərov

Köhnə versiyamızdan xəbərləri izlə