Köhnə versiya

Ən son xəbərlər

Son buraxılış
Arxiv

Azərbaycanla Latviya arasında poçt sahəsində əməkdaşlıq imkanları müzakirə edilib

Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Azərpoçt” MMC-nin Baş direktoru Əfqan Cəlilovla Latviya Poçtunun rəhbəri Markis Vilkans arasında görüş keçirilib.

Nazirlikdən “Xalq qəzeti”nə verilən məlumata görə, görüş zamanı “Azərpoçt”da həyata keçirilən yeni layihələr, poçt-maliyyə xidmətlərinin inkişaf etdirilməsi istiqamətində görülən işlər barədə ətraflı məlumat verilib.

Həmçinin Azərbaycanla Latviya arasında poçt sahəsində əməkdaşlıq imkanları müzakirə edilib.

Markins Vilkans “Azərpoçt”da keçirilən innovativ layihələrin böyük əhəmiyyət daşıdığını və qarşılıqlı təcrübə mübadiləsi aparmağa hazır olduqlarını bildirib.

Tərəflər poçt-maliyyə sahəsində əməkdaşlığı genişləndirməkdə, poçt sahəsində logistika xidmətlərinin inkişaf etdirilməsi və elektron ticarət layihələri çərçivəsində poçt mübadiləsinin artırılmasında maraqlı olduqlarını qeyd ediblər. Pandemiya dövründə də hər iki ölkə arasında poçt göndərişlərinin həyata keçirildiyi vurğulanıb.

“Azərpoçt” və Latviya Poçtu rəhbərlərinin görüşündə qarşılıqlı maraq doğuran digər məsələlər də müzakirə edilib.

19 Avqust 2021 12:42 - TEXNİKA
TEXNİKA

Köhnə versiyamızdan xəbərləri izlə