Köhnə versiya

Ən son xəbərlər

Son buraxılış
Arxiv

Aİ meşə yanğınları ilə mübarizə üçün Türkiyəyə təyyarələr göndərib

Avropa İttifaqı Türkiyədəki meşə yanğınları ilə mübarizə üçün bu ölkəyə yardım göndərib.

"Xalq qəzeti" xəbər verir ki, bu barədə Aİ Şurasının mətbuat xidməti məlumat yayıb.

Bildirilib ki, Türkiyədə meşə yanğınları ilə əlaqədar Aİ-nin Mülki Müdafiə Mexanizmi aktivləşdirilib və ilkin olaraq yanğınların söndürülməsinə dəstək vermək üçün 3 amifibiya təyyarəsi (Canadair) göndərilib. Bu təyyarənin 1-i Xorvatiyaya, 2-si isə İspaniyaya məxsusdur.

Aİ-nin Böhranın İdarə edilməsi üzrə Komissarı Janez Lenarcic bildirib ki, Aİ bu çətin vaxtda Türkiyə ilə tam həmrəydir. "Mən dəstək verən bütün ölkələrə təşəkkür edirəm. Fikrimiz yanğınlarda həyatını itirmiş şəxslərin doğmlarının, türkiyəlilərin və ölümcül yanğınlarla mübarizə üçün əllərindən gələni edən cəsur yanğınsöndürənlərin yanındadır. Biz əlavə yardım göstərməyə hazırıq", - deyə Aİ Komissarı bildirib.

Bildirilib ki, Aİ-nin Fövqəladə Vəziyyətə Müdaxilə ilə bağlı Koordinasiya Mərkəzi vəziyyəti yaxından izləmək və Aİ-nin əlavə dəstəyi üçün Türkiyə hakimiyyəti ilə müntəzəm əlaqə saxlayır.

2 Avqust 2021 10:43 - SİYASƏT
SİYASƏT

Köhnə versiyamızdan xəbərləri izlə