Köhnə versiya

Ən son xəbərlər

Son buraxılış
Arxiv

"ADY Express" BTQ ilə yükdaşımaları kəskin artırıb

“Azərbaycan Dəmir Yolları” QSC-nin törəmə şirkəti olan “ADY Express” MMC bu il Bakı-Tbilisi-Qars (BTQ) dəmir yolu ilə rekord sayda yükdaşımalar həyata keçirib.

“Xalq qəzeti" MMC-yə istinadən xəbər verir ki, 2021-ci ilin əvvəlindən bu günə qədər şirkət BTQ vasitəsi ilə ümumilikdə 1 767 vaqonda 108 534 ton yük nəql edib ki, bu göstərici həmin yol istifadəyə veriləndən bəri ən yüksəkdir. Müqayisə üçün bildirək ki, 2020-ci ildə BTQ vasitəsi ilə “ADY Express” toplam olaraq 50 min tona yaxın yük nəql edib.

Qeyd edək ki, bu il də daşınan yüklərin böyük əksəriyyəti Rusiya yüklərinə, Maqnitoqosk Metallurgiya Kombinatının yüklərinin payına düşür. Belə ki, şirkət 1 501 vaqonda 99 244 ton polad rulonlar və 152 vaqonda 2 218 ton rulon altından çərçivələri nəql edib. 7 072 ton isə digər yüklərə aid olub. Bu yüklərin arasında isə əsasən dənli bitkilərin payı daha çoxdur.

BTQ dəmir yolu istifadəyə veriləndən bəri, yəni 2017-ci ilin sentyabrın 30-dan başlayaraq, “ADY Express” MMC bu yolla artıq 3 138 vaqonda 185 319 ton yük nəql etməyə müvəffəq olub.

 
23 İyul 2021 10:29 - İQTİSADİYYAT
İQTİSADİYYAT
28 Sentyabr 2021 | 10:12
Neft bahalaşıb
28 Sentyabr 2021 | 09:29
AMB-nin valyuta məzənnələri

Köhnə versiyamızdan xəbərləri izlə