Cüdoçular üçün növbəti sınaq

Noyabrın 9-11-də  Daşkənddə  keçiriləcək Qran-pri  turniri  tatami  ustalarının  qüvvələrinə  növbəti ciddi  baxışa  çevriləcək.

Özbəkistan  paytaxtında üç  gün  davam edəcək  yarışın  mükafatları  uğrunda  Azərbaycanın  da bir  qrup  cüdoçusu  mübarizə  aparacaq. Şübhəsiz,  Nicat Şıxəlizadə (66 kq), Rüstəm Orucov (81 kq), Elmar  Qasımov (100 kq), Aişə Qurbanlı (48 kq), İrina Kindzerskaya (+78 kq) və  digər  təmsilçilərimiz   qarşıdakı sınaqlardan mümkün  qədər çox  fayda  götürməyə  çalışacaqlar.

“Xalq qəzeti”