Köhnə versiya

Ən son xəbərlər

Son buraxılış
Arxiv

Bulud sistemlərinin analizi və sintezi problemləri araşdırılır

AMEA İnformasiya Texnologiyaları İnstitutunda bulud sistemlərinin analizi və sintezi problemləri araşdırılır.

Bu barədə institutun növbəti elmi seminarında məlumat verilib.

İnstitutdan "Xalq qəzeti"nə verilən məlumata görə, texnologiyalar üzrə direktor müavini, texnika üzrə fəlsəfə doktoru, dosent Rəşid Ələkbərov cari ildə rəhbərlik etdiyi şöbədə aparılan elmi-tədqiqat işləri haqqında məlumat verib.

R.Ələkbərov, həmçinin “Green Computing” texnologiyalarında meydana çıxan problemlər və onların həlli yolları, simsiz şəbəkə texnologiyaları, süni intellekt sistemləri üzrə mövcud problemlər, tədqiqat metodlarının müqayisəli analizi, mobil hesablama buludlarının resurslarından səmərəli istifadə olunması metodlarının tədqiqi istiqamətində elmi araşdırmalar aparıldığını diqqətə çatdırıb.

R.Ələkbərov şöbənin elmi-pedaqoji və elmi-təşkilati fəaliyyəti, Azərbaycan Respublikasının Prezidenti yanında Ali Attestasiya Komissiyası tərəfindən tövsiyə olunan beynəlxalq və respublika səviyyəli jurnallarda elmi məqalələrin nəşri ilə bağlı görülən tədbirlər barədə də məlumat verib.

AMEA-nın vitse-prezidenti, İnformasiya Texnologiyaları İnstitutunun direktoru, akademik Rasim Əliquliyev çıxış edərək şöbənin hesabatı ilə bağlı tövsiyələrini səsləndirib. Akademik şöbə əməkdaşlarının elmi-nəzəri fəaliyyətinin gücləndirilməsinin və aparılan tədqiqatların daha da dərinləşdirilməsinin zəruriliyini vurğulayıb.

Hesabat ilə bağlı fikir mübadiləsi aparılıb, suallar cavablandırılıb.

12 İyul 2021 17:04 - TEXNİKA
TEXNİKA
20 Oktyabr 2021 | 17:49
"Facebook" adını dəyişəcək

Köhnə versiyamızdan xəbərləri izlə