Köhnə versiya

Ən son xəbərlər

Son buraxılış
Arxiv

BNA: Türkiyə - Uels oyununa azarkeşlərin daşınmasına başlanıb

Futbol üzrə Avropa çempionatının (AVRO-2020) Bakıda keçirilən Türkiyə-Uels oyununa azarkeşlərin daşınması ilə əlaqədar Bakı Nəqliyyat Agentliyinin (BNA) təşkil etdiyi ekspress xətləri üzrə daşımalar başlayıb.
Bu barədə "Xalq qəzeti"nə BNA-dan məlumat verilib.
Bildirilib ki, bunun üçün sərnişin tələbatına uyğun sayda avtobuslar cəlb olunub. Bundan başqa, təyinat məntəqələrinə yaxın yerlərdə ehtiyat avtobuslar da hazır vəziyyətdə saxlanılıb.

Qeyd olunub ki, sərnişinlərin daşınmaya başlanmasından əvvəl tibbi müayinədən keçən sürücülərə, həmçinin təhlükəsizlik və vəzifələrinə dair təlimatlar verilib. Təyin olunan məntəqələrdən Bakı Olimpiya Stadionu istiqamətində daşımalar oyunun başlanmasına 30 dəqiqə qalanadək davam edəcək. Oyundan sonra isə azarkeşlər Bakı Olimpiya Stadionun İctimai Nəqliyyat Terminalından geriyə daşınacaq. Geriyə qayıtmaq üçün azarkeşlər stadionun şərq və şimal qapısından çıxmalıdırlar.

16 İyun 2021 19:00 - İDMAN
İDMAN
1 Avqust 2021 | 01:26
Müqavilə yenilənib

Köhnə versiyamızdan xəbərləri izlə