Köhnə versiya

Ən son xəbərlər

Son buraxılış
Arxiv

Milli Paralimpiya Komitəsi ilə Bədən Tərbiyəsi və İdman Akademiyası arasında anlaşma memorandumu imzalanıb

Mayın 6-da Azərbaycan Milli Paralimpiya Komitəsi (AMPK) ilə Azərbaycan Dövlət Bədən Tərbiyəsi və İdman Akademiyası (ADBTİA) arasında anlaşma memorandumu imzalanıb.

ADBTİA-nın mətbuat xidmətindən "Xalq qəzeti"nə verilən məlumata görə, sənədi AMPK-nın prezidenti İlqar Rəhimov və ADBTİA-nın rektoru Fuad Hacıyev imzalayıblar.

Memorandum tərəflər arasında informasiya dəstəyi sahəsində əməkdaşlığı və təcrübə mübadiləsini nəzərdə tutur. Bu əməkdaşlıq çərçivəsində Akademiyanın “İdman jurnalistikası” magistr proqramının tələbələri mayın 25-26-da Bakıda təşkil olunacaq paracüdo üzrə beynəlxalq Qran-Prinin və bu il keçiriləcək “Tokio-2020” XVI Yay Paralimpiya Oyunlarının işıqlandırılmasında fəal iştirak edəcəklər. Buraya yarışların gedişində mətbuatın xəbərlərlə operativ təmin olunması və media dəstəyi ilə bağlı məsələlər daxildir.

Əməkdaşlıq sayəsində Akademiyanın magistr proqramının tələbələri təcrübə qazanacaq, eyni zamanda, ölkəmizdə paralimpiya hərəkatının təşviqi sahəsində görülən işlərə cəlb olunacaqlar.

6 May 2021 16:47 - İDMAN
İDMAN
20 İyun 2021 | 00:35
Dünyanın ən populyar adamı
19 İyun 2021 | 01:02
UEFA-nın açıqlaması
19 İyun 2021 | 00:42
Hollandiya pley-offda

Köhnə versiyamızdan xəbərləri izlə