Köhnə versiya

Ən son xəbərlər

Son buraxılış
Arxiv

Qəbələdə əmək yarmarkası keçiriləcək

Mayın 4-də Qəbələ şəhərində "Karyera və iş yarmarkası" keçiriləcək.

İqtisadiyyat Nazirliyindən "Xalq qəzeti"nə verilən məlumata görə, Qəbələ Dövlət Peşə Təhsil Mərkəzində təşkil olunacaq tədbirdə Qəbələdə fəaliyyət göstərən turizm şirkətləri tərəfindən mövcud vakansiyalar haqqında məlumat veriləcək, iş yerləri təklif olunacaq.

Gənclərin məşğulluğunun təmin olunması məqsədilə keçirilən tədbir sonuncu kurs tələbələrinə və işsiz gənclərə açıqdır.

Tədbir mövcud karantin qaydalarına uyğun olaraq açıq havada və müvafiq qaydalara əməl olunmaqla təşkil ediləcək.

"Karyera və iş yarmarkası" Qəbələ Dövlət Peşə Təhsil Mərkəzinin təşəbbüsü, Dövlət Məşğulluq Agentliyinin 11 saylı Ərazi Məşğulluq Mərkəzi, İqtisadiyyat Nazirliyinin tabeliyində Kiçik və Orta Biznesin İnkişaf Agentliyi (KOBİA) və "Gabala Hospitality Group" ilə birgə əməkdaşlığı çərçivəsində keçiriləcək.

3 May 2021 12:11 - İQTİSADİYYAT
İQTİSADİYYAT
16 May 2021 | 10:02
Neft bahalaşıb
11 May 2021 | 09:57
Neft ucuzlaşıb

Köhnə versiyamızdan xəbərləri izlə