Köhnə versiya

Ən son xəbərlər

Son buraxılış
Arxiv

Azərbaycan boksçusu erməni rəqibinə qalib gəlib

Polşanın Keltse şəhərində gənc boksçular arasında dünya birinciliyi davam edir. 

 "Xalq qəzeti" xəbər verir ki, mundialın ikinci günündə Azərbaycan millisinin üzvü Əli Zamanov ilk döyüşünü keçirib.

52 kq çəki dərəcəsində mübarizə aparan Avropa çempionumuz 1/16 final mərhələsi çərçivəsində ermənistanlı Ruben Qarboyanla üz-üzə gəlib. Zamanov rəqibini 3:0 (28:28, 29:27, 29:27, 29:27, 28:28) hesabı ilə məğlub edib. O, 1/8 finalda ilk mərhələdən azad olan tailandlı Tanakon Aonyaemlə qarşılaşacaq. Bu görüş aprelin 15-də baş tutacaq.

Qeyd edək ki, yığmamız 52 ölkədən 414 (274 oğlan, 140 qız) boksçunun qatıldığı dünya birinciliyində 9 idmançı ilə təmsil olunur. Yarış aprelin 23-də başa çatacaq.

14 Aprel 2021 20:01 - İDMAN
İDMAN

Köhnə versiyamızdan xəbərləri izlə