Köhnə versiya

Ən son xəbərlər

Son buraxılış
Arxiv

Futbol üzrə Avropa çempionatı zamanı Bakıya gələcək əcnəbilərə viza verilməsi qaydası müəyyənləşib

Bakı şəhərində 2021-ci ildə futbol üzrə Avropa çempionatının 4 oyununda (üç qrup və bir 1/4 oyunu) iştirak edənlərə viza verilməsi qaydası müəyyənləşib.

 "Xalq qəzeti" xəbər verir ki, bu, Prezident İlham Əliyevin bu gün imzaladığı 2021-ci ildə futbol üzrə Avropa çempionatının 4 oyununun (üç qrup və bir 1/4 oyunu) Bakı şəhərində keçirilməsi ilə əlaqədar bəzi tədbirlər haqqında” sərəncamda əksini tapıb.

Sərəncama əsasən, aşağıdakı sənədlərdən biri viza verilməsi üçün əsas hesab ediləcək:
 
- oyunların Bakı şəhərində keçirilməsi üzrə Təşkilat Komitəsinin və ya Azərbaycan Futbol Federasiyaları Assosiasiyasının (AFFA) rəsmi dəvət məktubu;
 
- Avropa Futbol Assosiasiyaları Birliyinin (UEFA) müvafiq qaydalarına uyğun olaraq akkreditasiyadan keçməni təsdiq edən akkreditasiya kartı və ya digər sənəd;
 
- Bakı şəhərində keçiriləcək oyunlarda iştirak edən futbol komandalarının təmsil etdikləri ölkələrin vətəndaşları və həmin ölkələrdə daimi yaşayan vətəndaşlığı olmayan şəxslər üçün oyuna bilet və ya biletin əldə olunmasını təsdiq edən sənəd.

13 Aprel 2021 15:06 - SİYASƏT
SİYASƏT
9 May 2021 | 00:42
Elmin və təhsilin hamisi

Köhnə versiyamızdan xəbərləri izlə