Köhnə versiya

Ən son xəbərlər

Son buraxılış
Arxiv

Qlobal kompüter satışı 55%-dən çox artıb

Bu ilin I rübündə qlobal kompüter satışı koronavirus pandemiyasının təsiri ilə ötən ilin eyni dövrü ilə müqayisədə 55,6 % artaraq 84 milyona çatıb.

 

"Xalq qəzeti" xarici mətbuata istinadən xəbər verir ki, bu barədə bazar araşdırmaları agentliyi “IDC”nin açıqlamasında bildirilib.

 

Məlumata görə, gündəlik təxminən 1 milyona yaxın kompüter satışı həyata keçirilən bazara 24,3 %-lik payla Çinin “Lenovo” şirkəti rəhbərlik edir. O, hesabat dövründə 20,4 milyon kompüter satıb ki, bu da illik müqayisədə 59,1 % çoxdur.

 

Növbəti pillələrdə 22,9 %-lik bazar payı ilə ABŞ-ın “HP" və 15,4 %-lə “Dell” şirkətləri qərarlaşıb. Eyni dövrdə bu şirkətlər müvafiq olaraq 19,2 milyon (illik müqayişsədə 64,1 % çox) və 12,9 milyon ədəd (23,4 % çox) kompüter satıb.

 

Qeyd edək ki, bu ilin I rübündə ən yüksək böyümə 111,5 %-lə ABŞ texnologiya nəhəngi “Apple” şirkətində qeydə alınıb.

13 Aprel 2021 19:14 - TEXNİKA
TEXNİKA

Köhnə versiyamızdan xəbərləri izlə