Banqladeşdə sərnişin gəmisi batıb

Banqladeşdə içərisində 50 sərnişin olan gəmi yük gəmisi ilə toqquşduqdan sonra batıb.

“Banqla Tribune” nəşrinin məlumatına görə, hadisə yerli vaxtla saat 18:30-da Nerayanqanc şəhərindəki Şitalakşiya çayında olub.

Yerli polisin məlumatına görə, hava şəraiti ilə əlaqədar xilasedicilər hadisə yerinə bir az gec gəliblər. Lakin gəmidə olan 10-12 nəfər üzərək sahilə çıxa bilib. Hadisə yerində xilasedicilər çalışırlar.

Qəzənfər QASIMOV, “Xalq qəzeti”