Köhnə versiya

Ən son xəbərlər

Son buraxılış
Arxiv

Soydaşlarımız Almaniya Bundestaqını Xocalı soyqırımını tanımağa çağırıb

Almaniyanın Münxen şəhərində fəaliyyət göstərən Azərbaycan Mədəniyyət Mərkəzi və “İRKAZ” – Beynəlxalq Din və Mədəniyyət Elmi Mərkəzi Xocalı soyqırımına hüquqi-siyasi qiymət verilməsi çağırışı ilə Almaniya Bundestaqına müraciət edib.

Diasporla İş üzrə Dövlət Komitəsindən verilən məlumata görə, Azərbaycan Mədəniyyət Mərkəzinin sədri Səttar Kərimovun imzası ilə almaniyalı parlamentarilərə ünvanlanan bəyanatda 29 il öncə erməni silahlı qüvvələrinin 366-cı motoatıcı alayın hərbçilərinin köməyi ilə Xocalıda dinc azərbaycanlılara qarşı törədilmiş soyqırımı aktı barədə ətraflı məlumat verilir.
Siyasətçilərin əsas vəzifəsinin ədalətsizliyin qarşısının alınması olduğunu xatırladan bəyanat müəllifi almaniyalı parlamentariləri 26 fevral tarixini Xocalı Soyqırımı Günü kimi tanımağa və faciə qurbanlarının xatirəsini yad etməyə çağırıb. Qeyd edilib ki, bu addım gələcəkdə oxşar hadisələrin təkrarlanmasının qarşısını ala, bölgəyə davamlı sülhün və barışın gəlməsini təmin edə bilər.
“İRKAZ” – Beynəlxalq Din və Mədəniyyət Elmi Mərkəzinin məktubunda nəzərə çatdırılıb ki, Azərbaycan xalqına qarşı törədilmiş cinayət yerli əhali arasında qorxu yaratmaq məqsədilə öncədən planlaşdırılıb və təşkil edilib.


Samirə ƏLIYEVA,
“Xalq qəzeti”

3 Mart 2021 01:18 - SİYASƏT
SİYASƏT
21 Aprel 2021 | 08:48
Xain xoflu olar

Köhnə versiyamızdan xəbərləri izlə