Köhnə versiya

Ən son xəbərlər

Son buraxılış
Arxiv

“Bakı Metropoliteni” QSC: Metro çoxdan darıxdığı sərnişinlərini hər an qarşılamağa hazırdır

“Böyük hünərlərlə zəngin olan illərin sırasında bütün dünyanın həyat ahəngini pozan pandemiya metropolitenimizin normal fəaliyyəti qarşısında ciddi əngəllər yaradıb”.

"Xalq qəzeti" xəbər verir ki, bu barədə “Bakı Metropoliteni” QSC-nin yaydığı məlumatda qeyd olunub.

Belə ki, metro insanların sağlamlığının qorunması, COVID-19 bəlasından uzaqlaşdırmaq üçün ötən ildə sərnişinlərə 202 gün qapı aça bilməyib:

“Bu ilin ikinci ayı da daşıma fəaliyyəti olmadan başa vurulmaq üzrədir. Pandemiyanın ilk günlərində metropoliten şəraitin tələblərinə uyğun bütün lazımi tədbirləri yerinə yetirsə də, son nəticədə müvafiq şəraitdə yeraltı nəqliyyatın sərnişin daşınmasındakı iştirakı məqbul hesab edilməyib.

Amma bununla belə metro gələcəkdə daşımaların daha rahat, xidmət mədəniyyətinin daha yüksək, hərəkətin daha təhlükəsiz olması üçün fəaliyyətini davam etdirir və çoxdan darıxdığı sərnişinlərini hər an qarşılamağa hazırdır”, - məlumatda bildirilib.

27 Fevral 2021 11:14 - TEXNİKA
TEXNİKA

Köhnə versiyamızdan xəbərləri izlə