Köhnə versiya

Ən son xəbərlər

Son buraxılış
Arxiv

Nazirlik: Vətəndaşlarımızı vaksinasiya prosesində aktiv iştirak etməyə çağırırıq

COVID-19 xəstəliyi əleyhinə vaksin strategiyasına əsasən hazırkı mərhələdə 50 yaş və daha yuxarı şəxslərin peyvəndlənməsi həyata keçirilir.

"Xalq qəzeti" xəbər verir ki, bu barədə Səhiyyə Nazirliyinin yaydığı məlumatda qeyd olunub.

Belə ki, fevral ayının 23-ü üçün 200 mindən artıq vətəndaş COVID-19 xəstəliyinə qarşı vaksinasiya edilib.

“Vətəndaşlarımızı vaksinasiya prosesində aktiv iştirak etməyə çağırırıq. Xüsusən yaşı 50-dən yuxarı olan şəkərli diabet xəstələrini COVID-19 virusuna qarşı vaksinasiyaya dəvət edirik”, - deyə məlumatda qeyd edilib.

Xatırladaq ki, 50 yaş və daha yuxarı şəxslər https://randevu.its.gov.az/ saytına daxil olaraq, “COVID-19 vaksin randevu” elektron xidmətindən istifadə etməklə koronavirus xəstəliyi əleyhinə vaksinasiya üçün onlayn qaydada növbə götürməlidir. Elektron xidmət vasitəsilə qeydiyyatdan keçməkdə çətinlik çəkən şəxslər ərazi üzrə poliklinikaya zəng edərək qeydiyyatçıya kimliyi barədə məlumat verməlidir. Bu zaman qeydiyyatçı həmin şəxs üçün sözügedən elektron xidmət vasitəsilə onlayn növbənin götürülməsini təmin edir.

23 Fevral 2021 12:17 - SƏHİYYƏ
SƏHİYYƏ

Köhnə versiyamızdan xəbərləri izlə