Köhnə versiya

Ən son xəbərlər

Son buraxılış
Arxiv

Bakı-Naxçıvan-Bakı aviareyslərinin sayı gündə üç dəfəyədək artırılır

Azərbaycan Respublikası Nazirlər Kabi­neti yanında Operativ Qərargahın qərarına uyğun olaraq, Azərbaycanın milli aviadaşı­yıcısı (AZAL) bu il fevralın 1-dən Bakı-Nax­çıvan-Bakı marşrutu üzrə reyslərin sayını gündə üç dəfəyədək artırır.

Reyslər aşağıdakı cədvəl üzrə həyata keçiriləcək:

- Bakıdan uçuş saat 08:00, 13:40 və 19:20.

- Naxçıvandan uçuş saat 10:50, 16:30 və 22:10.

Hava gəmisinə COVID-19 virusunun neqativ nəticələri barədə arayış təqdim edən sərnişinlər buraxılacaq.

Bu istiqamət üzrə aviabiletlərin alınma­sı məsələləri ilə bağlı aviaşirkətin çağrı mərkəzinə WhatsApp mesenceri vasitəsilə aşağıdakı nömrələr üzrə müraciət etmək olar:

- Bakı-Naxçıvan reysləri üçün:

WhatsApp: +994 55 204 65 54.

- Naxçıvan-Bakı reysləri üçün:

WhatsApp: +994 60 487 30 11.

Aviabiletləri fevralın 1-dən açılma­sı nəzərdə tutulan aviaşirkətin satış nöqtələrindən əldə etmək mümkündür.

“Azərbaycan Hava Yolları” QSC-nin mətbuat xidməti bildirir ki, pandemiya dövründə təsdiq edilən qaydalara əsasən əl yükü qismində yalnız qadın əl çantasının, kişi portfelinin və ya 30x35x10 sm ölçüdə portativ kompüter çantasının (çanta yalnız təyinatı üzrə istifadə edilməlidir) götürülməsinə icazə verilir. Digər baqaj, o cümlədən kağız və polietilen paketlər baqaj bölməsində qeydiyyatdan keçirilməlidir. Pulsuz daşınan baqajın maksi­mal yol verilən çəkisi 23 kq-dır, ölçüləri üç ölçü­nün cəmində 158 sm-dən artıq olmamalıdır.

“Xalq qəzeti”

27 Yanvar 2021 00:42 - XƏBƏRLƏR
XƏBƏRLƏR
20 Fevral 2021 | 06:34
Tərtərdə elmi-praktik seminar

Köhnə versiyamızdan xəbərləri izlə