Köhnə versiya

Ən son xəbərlər

Son buraxılış
Arxiv

Cozef Baydenin andiçmə mərasimi keçirilib

Yanvarın 20-də Cozef Bayden ölkə Konstitusiyasına and içərək, ABŞ Prezidenti vəzifəsində fəaliyyətə başlayıb. Kamala Harris isə rəsmi şəkildə ölkənin 49-cu vitse-prezidenti olub. Tədbirlə əlaqədar Kapitoli ərazisində güclü təhlükəsizlik tədbirləri görülüb.

Mərasimə qatılan qonaqlar arasında səlahiyyət müddəti bitmiş vitse-prezident Maykl Pens, ABŞ-ın sabiq prezidentləri, yeni Prezidentin ailə üzvləri, ABŞ Ali Məhkəməsinin hakimləri, amerika­lı qanunvericilər yer alıblar. Koronavirus pandemiyası səbəbindən qonaqlar sosial məsafə qaydalarına uyğun olaraq əyləşdirilib. Andiçmə mərasimində ABŞ-ın dövlət himnini bu dəfə Ledi Qaqa ifa edib.

ABŞ-ın 46-cı Prezidenti Cozef Bayden mərasimdə çıxışı zamanı demokratiyanın qalib gəldiyini bəyan edib: “Bu gün Ame­rikanın, demokratiyanın günüdür. Bu gün namizədin deyil, hədəflərin zəfərini qeyd edirik. Məqsəd demokratiyadır. Xalqın iradəsi dinlənildi. Yenidən demokratiyanın qiymətli, kövrək olduğunu anladıq. Və bu saat, dostlar, demokratiya qalib gəldi”.

Bayden bildirib ki, əgər cəmiyyətdəki parçalanma aradan qaldırılmasa, ABŞ xaosa yuvarlana bilər: “Amerika cəmiyyətində par­çalanmanın güclü səbəbləri var və bu, yeni məsələ deyil. Ona görə də cəmiyyətdə birlik və bərabərlik yaratmağa çalışmalıyıq”.

Yeni dövlət başçısı seçkilərdə dəstəyini ala bilmədiyi vətəndaşlara çağırış edib ki, ona şans versinlər və əmin olsunlar ki, bütün amerikalıların rifahı üçün işləyəcək. Onun sözlərinə görə, ABŞ son illərin sınağından şərəflə çıxaraq daha da güclənib, xarici əlaqələrini bərpa edib. Bundan sonra da ölkə mövcud çağırışları dəf etmək üçün dünya­nın qalan hissəsi ilə fəal şəkildə əməkdaşlıq edəcək.

Bayden vəzifəsinin icrasına başladığı ilk gün sələfi Donald Trampın bir neçə fərmanını ləğv edib. Onun ilk fərmanı ABŞ-ın Ümum­dünya Səhiyyə Təşkilatına (ÜST) qayıtması ilə bağlı olub. Prezident ölkəsinin Paris İqlim Razılaşmasına qayıtdığını da təsdiqləyib.

Paşa ƏMİRCANOV, “Xalq qəzeti”

22 Yanvar 2021 03:02 - XARİCİ XƏBƏRLƏR
XARİCİ XƏBƏRLƏR
26 Fevral 2021 | 02:58
Çində yoxsulluğa son qoyuldu
26 Fevral 2021 | 00:48
Yeni müqavilə

Köhnə versiyamızdan xəbərləri izlə