Köhnə versiya

Ən son xəbərlər

Son buraxılış
Arxiv

Reza Deqati Azərbaycanla bağlı keçirilən vebinarda çıxış edib

Fransada fəaliyyət göstərən "Alim" Elmi Assosiasiyası və Fransa–Azərbaycan Dialoq Assosiasiyasının təşkilatçılığı ilə 20 Yanvar faciəsinin 31-ci ildönümünə həsr olunmuş vebinar keçirilib.

Diasporla İş üzrə Dövlət Komitəsindən "Xalq qəzeti"nə bildirilib ki, "Reza Deqati, günümüzün şahidi, Azərbaycanla bağli xatirələr" mövzusunda təşkil edilmiş vebinarda azərbaycanlı icmasının və fransız ictimaiyyətinin nümayəndələri iştirak ediblər.

Azərbaycan əsilli fransız fotoqraf Reza Deqati 20 Yanvar hadisələri zamanı Bakıya getdiyini və Azərbaycan paytaxtında gördüklərini fotokamerasının lentinə köçürdüyünü bildirib. Bir neçə gün sonra Fransaya qayıdan soydaşımız həmin şəkilləri xarici KİV-lər vasitəsilə yayaraq Bakıda baş verən dəhşətləri dünya ictimaiyyətinin nəzərinə çatdırıb. Fotoqraf təqdim etdiyi hər bir şəklin, eləcə də I və II Qarabağ savaşında çəkdiyi fotoların hekayəsini danışıb.

Tədbir "Facebook" üzərindən canlı yayımlanıb və minlərlə istifadəçi tərəfindən izlənilib.

21 Yanvar 2021 20:10 - XƏBƏRLƏR
XƏBƏRLƏR
20 Fevral 2021 | 06:34
Tərtərdə elmi-praktik seminar

Köhnə versiyamızdan xəbərləri izlə