Köhnə versiya

Ən son xəbərlər

Son buraxılış
Arxiv

Xınalığa gedən yol buz bağlayıb

Bakı-Quba-Rusiya Federasiyası ilə dövlət sərhədi yolunda, Giləzi-Xızı və yolun Siyəzən, Şabran, Quba  və Qusar rayonları ərazisindən keçən hissələrində gecə saatlarından qar yağır. Hazırda yağıntı zəifdir. Səhər saatlarından yolda qar təmizlən, duz və qum səpilib.

"Xalq qəzeti" xəbər verir ki, bu barədə Azərbaycan Avtomobil Yolları Dövlət Agentliyi məlumat yayıb. 

Nəqliyyatın fasiləsiz və təhlükəsiz hərəkətinin təmin olunması istiqamətində növbətçi dəstələr tərəfindən müvafiq işlər həyata keçirilib və hazırda da keçirilməsi davam etdirilir. Xınalıq istiqamətində avtomobil yolunun Qırızdəhnə kəndinə kimi olan hissəsində 8-11 sm qar müşahidə olunur. Xınalıq istiqamətində 11 dərəcə şaxta var və bu səbəbdən yolun bəzi hissələrində güclü buzlaşma müşahidə olunur. Yolda qar təmizlənir, duz-qum qarışığı səpilir. Hazırda zəif qar yağır. Nəqliyyatın hərəkəti təmin olunub və hazırda bu istiqamətdə işlər davam etdirilir. 

Giləzi-Xızı yolunda gecə saatlarında güclü qar yağıb və şaxta qeydə alınıb. Hazırda 3-5 dərəcə şaxta izlənilir. Yolda səhər saatlarında qar təmizlənib, duz-qum qarışığı səpilmə işləri həyata keçirilib. Yolda buzlmaşma yoxdur. Nəqliyyat vasitələrinin hərəkəti normaldır.

21 Yanvar 2021 11:13 - SOSİAL HƏYAT
SOSİAL HƏYAT

Köhnə versiyamızdan xəbərləri izlə