Köhnə versiya

Ən son xəbərlər

Son buraxılış
Arxiv

Pandemiyaya yalnız birlikdə qalib gələ bilərik

Azərbaycan koronavirusla ən effektiv mübarizə aparan 10 ölkə arasında  3- cü yeri tutub. Reytinqi müəyyənləşdirən Oksford Universitetinin tədqiqatçıları dünyanın 183 ölkəsində 19 göstərici üzrə qiymətləndirmə apardıqdan sonra bu qərara gəliblər. Virusla mübarizədə hökumətin fəaliyyəıti,  əhaliyə yardım, səhiyyə sahəsində görülən işlər  əsas götürülb.  

Xatırladaq ki, bundan  əvvəl də Ümumdünya Səhiyyə Təşkilatının mütəxəsissələri ölkəmizdə olarkən, koronavirusa qarşı aparılan mübarizəni yüksək dəyərləndirmişlər. Təşkilatın missiyasının üzvləri dövlət qurumlarının nüməyandələri ilə yanaşı həm Bakı şəhərinin, həm də bəzi rayonların xəstəxana və poliklinikalarının tibbi heyəti ilə çoxsaylı görüşlər keçirmiş,  təqdim olunan tövsiyələrin əksəriyyətinin  nəzərə alındığını  və həyata keçirildiyini bildirmişlər.  Qeyd  etmişlər ki,  ümumiyyətlə, bu istiqamətdə  atılan addımlar sayəsində Azərbaycan səhiyyəsində çox ciddi irəliləyişlər müşahidə olunub.

Faktlar da təsdiqləyir ki,  dünyanın başı üzərini almış koronavirus pandemiyasına qarşı ölkəmizin atdığı düşünülmüş addımlar  öz effektini göstərmiş və Azərbaycan dünyada ən az zərər çəkən ölkələr sırasında olmuşdur. Oksford Universitetinin tədqiqatçılarının qərarı da təsdiqlədi ki, ölkəmizin  pandemiyaya qarşı mübarizədə   operativ tədbirləri  beynalxalq aləmin diqqətindən yayınmayıb.

Dekabrın sonları və  bu ilin əvvəlində ölkəmizdə pandemiyaya yoluxanların sayının artması, hətta 4 min nəfəri ötməsi, o cümlədən dünyasını dəyişənlərin sayının  çoxalması ciddi narahatlıq yaratdı. Yoluxmanın sürətlə yayılmasının qarşısının alınması məqsədilə karantin rejimi bir qədərdə sərtləşdirildi, həmçinin qaydalara əməl etməyənlərə qarşı ciddi tədbirlər görüldü. Tibbi maska taxmayanların cərimə məbləği artırıldı. Tətbiq edilmiş məhdudiyyətlərdən, təxminən, 2 həftə sonra artıq müsbət tendensiyanın şahidi olduq. Virusa yoluxanların sayının tədricən azalması da bunun nəticəsi idi. Görülən tədbirlər sırasında paytaxtda  COVID - la  bağlı mövcud vəziyyət nəzərə alınaraq,  Bakı Şəhər İcra Hakimiyyətinin strukturları  tərəfindən gücləndirilmiş dezinfeksiya işlərinin  həyata keçirilməsi də mühüm əhəmiyyət kəsb etdib.  Bu il artıq ikinci dəfə küçə və parklarda definfeksiya işləri aparılıb. Ümumilikdə, ölkədə pandemiyaya qarşı tədbirlər başlayandan Bakı Şəhər İcra Hakimiyyətinin strukturları tərəfindən  iyirminci dəfə əsas küçə, prospekt və yollarda kommunal təsərrüfat xidmətlərinin 40 ədəd xüsusi texnikası və 2 min əməkdaşının iştirakı ilə xüsusi kimyəvi maddələrlə əlavə gücləndirilmiş dezinfeksiya işləri həyata keçirilib.

Paytaxtın həm mərkəzi, həm də qəsəbə və yaşayış massivlərindəki küçələrində dezinfeksiya işlərinin aparılması pandemiyanın yayılmasının qarşısnın alınmasında xüsusi rol oynayıb.

Küçələrdə aparılan dezinfeksiya işləri ilə yanaşı, Bakı Şəhər Mənzil-Kommunal Təsərrüfatı Departamentinin əməkdaşları  tərəfindən xüsusi qrafikə uyğun olaraq, qurumun balansındakı yaşayış binalarında, lift kabinalarında, həyət və yaşayış məhəllələrində, ərazidəki  idman-əyləncə qurğularında, məişət tullantılarının atıldığı konteyner meydançalarında tibbi-profilaktik və dezinfeksiyaedici tədbirlər davam etdirilir.

Bütün bu işlərdə  əsas məqsəd vətəndaşlarımızı pandemiyanın fəsadlarından qorumaqdır. Xatırladım ki, sonuncu geniş dezinfeksiya tədbirləri zamanı paytaxtın 554 küçəsi kimyəvi maddələrlə yuyulub. Bütün bunların nəticəsidir ki, sərtləşdirilmiş karantin rejimi bir neçə gündür ki, yumşaldılıb. Bu, bizi arxayınlaşdırmamalıdır.

Dövlət başçımızın həyata keçirdiyi siyasi kursun prioritetlərindən biri də insan amilidir. Əhalinin sağlamlığının qorunması istiqamətində həyata keçirilən tədbirlər rəğbətlə qarşılanır.  Bütün bunları nəzərə alıb koronavirusun daha  geniş yayılmasının qarşısını almaq məqsədilə hər bir kəs karantin qaydalarına ciddi riayət etməlidir. Keçən dəfə də belə oldu. Məhdudiyyətlər zamanı yoluxma halları azaldı, bu da insanlarda müəyyən arxayınlıq yaratdı və pandemiyaya yoluxanların sayı yenidən sürətlə artmağa başladı.    

Dövlətimiz pandemiyanın qarşısının alnması məqsədilə bütün imkanlardan istifadə edir. Artıq ölkəmizdə koronavirusa qarşı vaksinasiyanın birinci mərhələsi başlayıb. “Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na əsasən,  müəyyən edilmiş müddətlərdə zəruri tədbirlərin yerinə yetirilməsinin təmin edilməsi nəticəsində pandemiyanın sürətlə yayılmasının qarşısı alınacaq.  

Pandemiyaya qalib gəlmək üçün bütün mümkün addımlar atılır. Əlbəttə ki, bütün fonunda  hər bir kəs məhdudiyyətlərdən irəli gələn tələblərə riayət etməli, sosial məsafəni qorumalı, tibbi maskadan istifadə etməlidir. Biz pandemiyanı yalnız birlikdə məğlub edə bilərik.

Səhər İSMAYILOVA,
Bakı Şəhər İcra Hakimiyyəti Başçısı Aparatının sektor müdiri, politoloq

18 Yanvar 2021 14:41 - CƏMİYYƏT
CƏMİYYƏT
13 Fevral 2021 | 02:11
Samux xəbərləri

Köhnə versiyamızdan xəbərləri izlə