Köhnə versiya

Ən son xəbərlər

Son buraxılış
Arxiv

Şanxay Əməkdaşlıq Təşkilatında sədrlik Tacikistana keçib

2020-2021-ci illərdə Tacikistanın Şanxay Əməkdaşlıq Təşkilatına sədrlik etməsi ilə bağlı Xarici İşlər Nazirliyində brifinq keçirilib.

AZƏRTAC xəbər verir ki, brifinqdə nazirliyin MDB ölkələri idarəsinin rəisi, Tacikistanın ŞƏT üzrə milli əlaqələndiricisi vəzifələrini icra edən Axmad Saidmuradzoda və nazirliyin Şanxay Əməkdaşlıq Təşkilatı idarəsinin rəisi Şuxrat Sabirzoda görüləcək işlər haqqında məlumat veriblər.

Bildirilib ki, Tacikistanın bu təşkilata sədrliyi “ŞƏT 20 il: Sabitlik və inkişaf naminə əməkdaşlıq” devizi altında olacaq. Bu dövrdə regionda təhlükəsizliyin və sabitliyin qorunması, üzv ölkələr arasında ticarət-iqtisadi, mədəni-humanitar və digər sahələrdə əməkdaşlığın genişləndirilməsi məsələsi ön plana çəkiləcək.

Qeyd olunub ki, Tacikistanın ŞƏT-ə sədrliyi dövründə 100-dən artıq müxtəlif tədbirin keçirilməsi nəzərdə tutulur.

Vurğulanıb ki, bu il sentyabr ayının 16-17-də Düşənbədə ŞƏT Dövlət başçıları Şurasının iclasının keçirilməsi də planlıaşdırılır.

Xatırladırıq ki, Azərbaycan ŞƏT-də dialoq üzrə tərəfdaş qismində çıxış edir.

Qulu Kəngərli

AZƏRTAC-ın xüsusi müxbiri

Düşənbə

17 Yanvar 2021 11:59 - XƏBƏRLƏR
XƏBƏRLƏR
20 Fevral 2021 | 06:34
Tərtərdə elmi-praktik seminar

Köhnə versiyamızdan xəbərləri izlə