Luka Yoviç icarəyə verilib

“Real” klubunun futbolçusu Luka Yoviç karyerasını Almaniya­da davam etdirəcək. Məlumata görə, serbiyalı hücumçu sabiq komanda­sı “Ayntraxt”a keçəcək. Frankfurt təmsilçisinin idman direktoru Fredi Bobiç Almaniya mətbuatına açıqlama­sında Yoviçi mövsümün sonuna qədər icarəyə götürəcəklərini bildirib: “Yoviçi yaya qədər icarəyə götürəcəyik. Hələ bir az işimiz qalıb, tibbi müayinədən uğurla keçdikdən sonra hər şey qaydasında olsa, bizimlə müqavilə imzalayacaq”.

Qeyd edək ki, Yoviç, 2017-2019-cu illərdə “Ayntraxt”da çıxış edib. Serbiyalı forvard 2019-cu ilin yayında 60 milyon avro qarşılığında “Real”a keçib. Yoviç Madrid klubunda bu mövsüm 5 oyuna çıxıb.

Xəbəri “goal.com” yayıb.

Hazırladı: Elçin ABBASOV, “Xalq qəzeti”