Köhnə versiya

Ən son xəbərlər

Son buraxılış
Arxiv

TƏBİB: Vaksin vurulan hər 100 nəfərdən 91-92-si virusdan tam qorunacaq

TƏBİB-in Elmi Komitəsinin sədri, Elmi Tədqiqat Profilaktika İnstitutunun direktor müavini, professor Akif Qurbanov bildirib ki, COVİD-19-a qarşı vaksin istifadə edən hər 100 nəfərdən 91-92-i virusdan tam qorunacaq, qalanları isə xəstəliyə yoluxsa da, onu yüngül keçirəcək.

Akif Qurbanov qeyd edib ki, Avropa ölkələrində, ABŞ-da, Rusiyada, Çində istehsal olunan vaksinlərin effektivliyi çox yüksək qiymətləndirilir. Çünki bu namizəd vaksinlərin əksəriyyətinin effektivliliyi 90 faizdən çoxdur: “Çində hazırlanan "Sinovac” vaksininin 3-cü faza təhlükəsizlik sınaqları Türkiyədə də həyata keçirildi. Orada da onun effektivliliyi 91-92 faiz olduğu aşkar olundu. Bu, çox yüksək göstəricidir. Bu, o deməkdir ki, biz bu vaksini 100 nəfər üçün istifadə etsək, onların 91-92-i virusdan tam qorunacaq, qalanları isə xəstəliyi yüngül keçirə bilər".

A.Qurbanov əlavə edib ki, Ümumdünya Səhiyyə Təşkilatının tələblərinə görə, bir vaksin insanı virusdan 50 faizdən çox qoruyursa, o, effektiv sayılır.

TƏBİB rəsmisi qeyd edib ki, istifadə edilən vaksinlər minimal yan təsirlərə malikdirlər. Dünyada istifadə edilən digər vaksinlərdə də belə hal özünü göstərir.

Xatırladaq ki, dünən canlı yayımda Türkiyə Prezidenti Rəcəb Tayyib Ərdoğana Çinin "Sinovac" şirkətinin istehsalı olan "CoronaVac" vaksini vurulub. Türkiyədə vaksinasiya prosesində Çinin "Sinovac" əczaçılıq korporasiyası tərəfindən hazırlanmış "CoronaVac" inaktiv peyvəndindən istifadə olunur.

Türkiyənin Əczaçılıq və Tibbi Ləvazimat Təşkilatı laborator şəraitdə 14 gün araşdırma apardıqdan sonra ölkə ərazisində "CoronaVac" vaksininin tətbiqinə icazə verib.

“Xalq qəzeti”

15 Yanvar 2021 15:19 - XƏBƏRLƏR
XƏBƏRLƏR
20 Fevral 2021 | 06:34
Tərtərdə elmi-praktik seminar

Köhnə versiyamızdan xəbərləri izlə