“Liverpul” Alaba ilə maraqlanır

İngiltərənin “Liverpul” futbol klubu “Bavariya”nın futbolçusu David Alabanı transfer etmək istəyir. Bunun üçün klub Ala­baya müqavilə təklifi göndərib. Sənəddə 28 yaşlı müdafiəçinin “qırmızılar”a keçəcəyi təqdirdə illik 10 milyon avro maaş alacağı qeyd olunub. Müqavilənin digər detalları haqqında məlumat verilməyib. Qeyd edək ki, bu mövsüm 13 matça çıxan Alaba 1 qol vurub. Onun Münhen təmsilçisi ilə hazır­kı sözləşməsinin müddəti 2021-ci ilin yayına qədərdir.

Xəbəri “Goal.com” verib.

Hazırladı: Elçin ABBASOV, “Xalq qəzeti”