Köhnə versiya

Ən son xəbərlər

Son buraxılış
Arxiv

Azərbaycanda sahibkarlara ixracla bağlı tələb olunan sənədlər verilib

Bu ilin aprel ayının ilk on günü ərzində sahibkarların ixracla bağlı müraciətləri cavablandırılıb, onlara müxtəlif məhsulların ixracı ilə bağlı tələb olunan sənədlər verilib.

İqtisadi İslahatların Təhlili Və Kommunikasiya Mərkəzindən verilən məlumata görə, “Bir Pəncərə” İxraca Dəstək Mərkəzinin əməkdaşları xüsusi karantin rejimi zamanı ixrac həyata keçirilərkən nəzərə alınması zəruri olan məsələlərlə bağlı sahibkarları maraqlandıran sualları da cavablandırıblar.

Qeyd edək ki, bu ilin mart ayında “Bir Pəncərə” İxraca Dəstək Mərkəzi vasitəsi ilə 15,5 milyon ABŞ dollar dəyərində qeyri-neft ixracı həyata keçirilib. 2020-ci ilin yanvar-mart ayları ərzində “Bir Pəncərə” İxraca Dəstək Mərkəzi tərəfindən reallaşdırılan qeyri-neft ixracının dəyəri 37 milyon dollarından çox olub. Həmçinin 2018-2019-cu illərdə “Bir Pəncərə” İxraca Dəstək Mərkəzi vasitəsi ilə 290 milyon  dollar dəyərində ixrac həyata keçirilib.

Qeyri-neft sektoru üzrə ixrac həyata keçirmək istəyən fiziki və hüquqi şəxslər müvafiq sənədlərlə bağlı “Bir Pəncərə” İxraca Dəstək Mərkəzinin [email protected] elektron poçtuna müraciət ünvanlaya bilərlər.

V. BAYRAMOV,

“Xalq qəzeti”

12 Aprel 2020 18:30 - XƏBƏRLƏR
XƏBƏRLƏR
11 Avqust 2021 | 09:08
Neft ucuzlaşıb

Köhnə versiyamızdan xəbərləri izlə