Naxçıvan Qarnizonunda əsgərlərin gəzintisi təşkil olunub

Həftə ərzində döyüş və ictimai-siyasi hazırlıqda yüksək nəticələr qazanmış əsgərlərin Naxçıvanın tarixi yerlərinə və muzeylərinə gəzintisi təşkil olunub. Bu barədə Azərbaycan Müdafiə Nazirliyinin mətbuat xidmətindən bildirilib.

Nümunəvi xidmətlərinə görə fərqlənən əsgərlər Heydər Əliyev və Dövlət Bayrağı Muzeylərini ziyarət ediblər. Tarixi eksponatlarla yaxından tanış olan əsgərlərimiz Ulu Öndərimizə, bayrağımıza, dövlətimizə, dövlətçiliyimizə olan sonsuz sevgilərini ifadə edir, Vətənimizin müdafiəsində ayıq-sayıq dayanırlar.

Əfsanə BAYRAMQIZI,
“Xalq qəzeti”