Köhnə versiya

Ən son xəbərlər

Son buraxılış
Arxiv

ABŞ altıncı nəsil strateji bombardmançı təyyarəsini təqdim edib

Birləşmiş Ştatlar nüvə silahı daşımaq imkanına malik yeni nəsil “B-21 Raider” strateji bombardmançı təyyarəsini təqdim edib.

"Xalq qəzeti" AZƏRTAC-a istinadla xəbər verir ki, mərasim “Northrop Grumman” kompaniyasının Palmdeyl şəhərində (Kaliforniya ştatı) yerləşən zavodunda keçirilib. ABŞ-ın müdafiə naziri Lloyd Ostinin iştirak etdiyi tədbir Pentaqonun saytında yayımlanıb.

ABŞ Hərbi Hava Qüvvələri 34 ildən sonra ilk dəfə olaraq yeni nəsil bombardmançı təyyarəni nümayiş etdirir. B-21 təyyarəsinin sələfi “B-2 Spirit” ilk uçuşunu 1989-cu ilin iyulunda həyata keçirmişdi.

“Stels” texnologiyası ilə təchiz olunan yeni təyyarə dünyada ilk altıncı nəsil bombardmançıdır. O həm adi silahlar, həm də nüvə silahı daşıya bilir. Təyyarə, eyni zamanda “bulud texnologiyaları” ilə işləyir ki, bu da döyüş tapşırıqlarının yerinə yetirilməsinə nəzarət etmək üçün onun “rəqəmsal əkizini” yaratmağa imkan verir.

“B-21 Raider” təyyarəsinin 2023-cü ildə havaya qalxacağı gözlənilir. Həmin bombardmançıların ilk dislokasiya yeri Hərbi Hava Qüvvələrinin Cənubi Dakota ştatındakı “Ellsworth” bazası olacaq. Sonradan onlar Missuri ştatındakı “Uaytmen” və Texas ştatındakı “Dayse” aviabazalarına köçürüləcək.

3 Dekabr 2022 12:09 - XARİCİ XƏBƏRLƏR
XARİCİ XƏBƏRLƏR
22 Yanvar 2023 | 10:41
NASA-nın yeni “Boeing”ləri
15 Yanvar 2023 | 12:35
Pilotsuz tədqiqat gəmisi
15 Yanvar 2023 | 12:30
Bozcaadada Günəşin qürubu...

Köhnə versiyamızdan xəbərləri izlə