Köhnə versiya

Ən son xəbərlər

Son buraxılış
Arxiv

Yüksək Texnologiyalar Parkı innovasiya ekosistemində ilk onlayn platformanı təqdim edir

Texnologiyanın Transferi və Elmin Kommersiyalaşdırılması Platforması Azərbaycan innovasiya ekosistemində texnologiyaların transferi və kommersiyalaşdırılması üzrə ilk onlayn platformadır (ttcp.az). Tədqiqatçıların, biznes subyektləri və digər ekosistem iştirakçılarının bir-biriləri ilə əlaqələr qurması, faydalı imkanlar tapması və məlumat şəbəkəsinə daxil olması üçün əlçatan, onlayn mərkəz rolunu oynayır. Həmçinin bir çox funsionallığa malik olan bu platformada istifadəçilər öz xidmətlərini təklif edə və digər xidmətlərdən faydalana bilərlər.

Bu barədə "Xalq qəzeti"nə AMEA-nın Mətbuat xidmətindən məlumat verilib.

Platformanın məqsədi Azərbaycanda innovasiya ekosisteminin, o cümlədən intellektual kapitalın və yüksək texnologiyaların inkişafında davamlılığa nail olmaq, həmçinin bu sahədə qlobal bazarlarla səmərəli əməkdaşlığı təmin etməkdir.

Qeyd edək ki, Elm və Təhsil Nazirliyinin Yüksək Texnologiyalar Parkı (YTP) və Koreya Elm və Texnologiya Siyasəti İnstitutu (STEPI) arasında həyata keçirilən “Azərbaycanda Yüksək Texnologiyalar Parkının istismar proqramı: tətbiq və potensialın artırılması” layihəsi çərçivəsində 28 oktyabr 2022-ci il tarixində Azərbaycan Texniki Universitetində keçirilən Forumda platformanın təqdimatı keçirilib. Bundan başqa, Bakı Dövlət Universiteti, Dövlət İdarəçilik Akademiyası, ADA Universiteti, Bakı Mühəndislik Universiteti və Azərbaycan Dövlət İqtisad Universiteti (UNEC), İNNOLAND-in rəhbər heyətləri ilə keçirilən görüşlərdə platformanın qısa təqdimatları keçirilib, tələbə və müəllim heyətinin bu platformadan istifadə edərək texnologiyaların kommersiyalaşdırılması proseslərinə cəlb edilməsi tövsiyə olunub.

İndiyə qədər bir çox müəssisələr, tədqiqatçılar, patent vəkilləri, startapçılar və digər kateqoriyadan olan istifadəçilər platformada qeydiyyat keçib, öz xidmətlərini yerləşdirib və müxtəlif layihə və həll metodları təklif ediblər.

YTP ilə STEPİ arasında icra edilən layihə çərçivəsində növbəti 2 il müddətində platformanın fəaliyyətinin daha da genişləndirilməsi, o cümlədən texniki imkanlarının və təşviqat işlərinin miqyasının artırılması nəzərdə tutulur.

3 Dekabr 2022 14:54 - TƏHSİL
TƏHSİL
25 Yanvar 2023 | 10:09
1528 şagird evdə təhsil alır

Köhnə versiyamızdan xəbərləri izlə