Növbəti həftə 1 şəhər və 3 rayonda sakinlərin qaz təchizatı ilə bağlı müraciətləri dinləniləcək

Növbəti həftə (noyabrın 28-30 və dekabrın 2-si tarixləri) daha 1 şəhər və 3 rayonda “Azəriqaz” İB-nin “Açıq mikrofon” aksiyaları keçiriləcək.

İB-dən "Xalq qəzeti"nə bildirilib ki, aksiya həftənin 1-ci günü saat 11:00-dan 12:00-dək Zaqatala rayonunda (Mədəniyyət Mərkəzinin qarşısı), 2-ci günü saat 14:00-dan 15:00-dək Oğuz rayonunda (Zərifə Əliyeva Parkı), 3-cü günü saat 11:00-dan 12:00-dək isə Qəbələ rayonunda (Zərifə Əliyeva Parkı), 5-ci günü saat 11:00-dan 12:00-dək isə Şəki şəhərində (M.F.Axundov Parkı) baş tutacaq.

Vətəndaşlar qeyd olunan ünvanlara yaxınlaşaraq “Açıq mikrofon” aksiyasının imkanlarından maksimum istifadə edərək, öz problem və təkliflərini rahat şəkildə ifadə edə bilərlər.