“WiFi” 7 nədir?

Texnoloji yeniliklərin geniş vüsət alması, bu sahədəki şirkətlərin əldə etdikləri nəticələr heyrət doğurmaqda­dır. Bir çox insanlar bu yaxınlar­da “WiFi 6”ya keçdi. Bəziləri bu keçiddən xəbərsizdir. Xəbəri olan­ların müəyyən hissəsi isə “WiFi 6E” haqqında eşitməyib.

Ən maraqlısı isə budur ki, üfüqdə “WiFi 7” görünməkdədir. Belə ki, tex­noloji yeniliklərə imza atmağa da­vam edən “MediaTek” şirkəti “WiFi 7” əsasında smartfonların 2024-cü ildə peyda ola biləcəyini açıqlayıb. Bu ara­da “Qualcomm”, “Broadcom” və “Intel” kimi aparıcı simsiz rabitə istehsalçıla­rı yeni texnologiyanı dəstəkləyən qurğular üçün çiplərin hazırlanma­sını sürətləndiriblər.

“WiFi 7”-yə gəldikdə isə bu, “IEEE 802.11b” kimi tanınan yeni WiFi standartıdır. Bu standartda yeddinci nəsil WiFi “WiFi 6” və “WiFi 6E” üzərində əhəmiyyətli təkmilləşdirmələr aparılır. Yeni stan­dartın daha etibarlı, sürətli, aşağı gecikmə müddətini təmin etməyə daha uyğun olacağı, daha çox əlaqəni dəstəkləyəcəyi gözlənilir. Onun nəticələrinin əyləncə və biznes sekto­runa təsir baxımından ciddi rol oynaya­cağı proqnozlaşdırılır.

Ümumən, “WiFi 7” “WiFi 6”-dan 3-4, “WiFi 5”-dən 13 dəfə sürətlidir. Bir məsələ də var ki, yeni texnologiya­dan yararlanmaq üçün smartfonlarda, noutbuklarda və digər cihazlarda da dəyişikliklər labüddür.

Qəzənfər QASIMOV,

“Xalq qəzeti”