Köhnə versiya

Ən son xəbərlər

Son buraxılış
Arxiv

İsveç Türkiyəyə silah ixracı ilə bağlı embarqonu aradan qaldırıb

İsveçin Silah İxracına Nəzarət üzrə Dövlət Agentliyi Türkiyəyə silah ixracına tətbiq olunmuş embarqonun aradan qaldırıldığını bəyan edib. Sənəddə bildirilir ki, Türkiyəyə silah ixracına icazə verilməsi barədə qərar Ankaranın İsveçin NATO-ya üzvlüyü məsələsində tutduğu pozitiv mövqeyə görə qəbul edilib. Məlumatı “Anadolu” verib.

Bundan əlavə, bəyanatda qeyd olu­nur ki, qəbul edilmiş qərar elektronika, silahlanma və hərbi texnika sahəsinə aid məhsulların ixracı ilə bağlıdır.

Qeyd edək ki, bir müddət əvvəl – bu il mayın 29-da Silah İxracına Nəzarət üzrə Agentliyin başçısı Karl Evertsson “Expressen” qəzetinə müsahibəsində ölkəsinin NATO-ya üzvlük üçün ərizə verməsi ilə bağlı Türkiyə ilə danışıqlar aparılıdığını bəyan etmişdi.

O, qeyd etmişdi ki, İsveç silah ixracı­nı müdafiə üzrə komissiyanın qoyduğu şərtlər daxilində həyata keçirir. Evertsson əlavə etmişdi: “Türkiyə birbaşa indi bizim silahlara ehtiyac duymur. Biz Türkiyəyə hər bir konkret halda silah sata bilərik”.

İsveç istehsalı olan tank əleyhinə AT-4 silahlarının PKK terror təşkilatının əlinə necə keçməsi ilə bağlı suala ca­vabında isə Evertsson deyib: “Biz bu məhsulu ixrac etmirik. Bu silah ABŞ-ın lisenziyası ilə istehsal olunur və onla­rın razılığı olmadan bu silahları üçüncü ölkələrə göndərmək mümkün deyil”.

Onu da qeyd edək ki, Silah İxracına Nəzarət üzrə Agentlik Türkiyəyə silah satışını 15 oktyabr 2019-cu ildə qadağan edib. Həmin tarixdən sonra İsveçin üç özəl şirkətinin Türkiyəyə silah satışı ilə bağlı sorğusuna imtina cavabı verilib.

Xatırlatmaq yerinə düşərdi ki, NATO-ya üzvlük üçün Türkiyənin razılığını almış digər ölkənin – Finlandiyanın Müdafiə naziri Antti Kaykkonen bu ilin iyulunda ölkəsinin Ankaraya silah satışı embar­qosunu aradan qaldıracağına şübhə ilə yanaşdığını bildirmişdi. Finlandiyalı nazir ölkəsinin döyüş bölgəsinə silah ix­rac etməmək prinsipinə sadiq olduğunu qeyd etmişdi.

Paşa ƏMİRCANOV,

“Xalq qəzeti”

1 Oktyabr 2022 23:39 - XARİCİ XƏBƏRLƏR
XARİCİ XƏBƏRLƏR
26 Noyabr 2022 | 03:21
100 milyard dollar ziyan
25 Noyabr 2022 | 03:22
BMT-də Ukrayna müzakirəsi
25 Noyabr 2022 | 02:47
Süni ətin satışına icazə

Köhnə versiyamızdan xəbərləri izlə