Köhnə versiya

Ən son xəbərlər

Son buraxılış
Arxiv

Azərbaycanın 11 rayonunda elit toxumların səyyar satışına başlanılıb

Payız əkini mövsümü ilə əlaqədar olaraq Kənd Təsərrüfatı Nazirliyinin Dövlət Toxum Fondu tərəfindən fermerlərin və təsərrüfat sahiblərinin toxuma olan tələbatını sərfəli qiymətlərlə təmin etmək məqsədilə bölgələrdə səyyar xidmətlər aparılır.

Bu barədə Kənd Təsərrüfatı Nazirliyindən məlumat verilib.

Daxil olan müraciətlərə əsasən hər gün müxtəlif qruplar olmaqla respublikanın müxtəlif kənd və qəsəbələrində paralel olaraq səyyar xidmətlər göstərilir. Bu mövsümdə regionlar üzrə keçirilən səyyar satışa ilk olaraq Qobustan, Şəki, İsmayıllı, Qəbələ, Oğuz, Qax, Tovuz, Quba, Qusar, Xaçmaz, Şabran rayonlarındakı ucqar kəndlərdən start verilib.

Səyyar satış zamanı fermerlər həm nağd həm də “Fermer kartı”nı təqdim etməklə elit toxumlar əldə edirlər. Fermerlərə Fond tərəfindən maarifləndirici məlumatlar paylanılır, aqronom məsləhətləri verilir.

Bildirək ki, fermerlər səyyar satışla yanaşı Dövlət Toxum Fondunun Ağcabədi, Tovuz, Xaçmaz, Şəki və Qobustan rayonlarında fəaliyyət göstərən toxum emalı zavodlarında da elit toxumlar əldə edə bilərlər.

26 Sentyabr 2022 19:34 - İQTİSADİYYAT
İQTİSADİYYAT
3 Dekabr 2022 | 10:53
Azərbaycan nefti ucuzlaşıb
3 Dekabr 2022 | 09:51
Neft ucuzlaşıb
2 Dekabr 2022 | 09:42
Azərbaycan nefti bahalaşıb

Köhnə versiyamızdan xəbərləri izlə